Sheher ki dhoop se poochain kabhi gao'n walay - 'Mohsin Naqvi'

Sheher ki dhoop se poochain kabhi gao'n walay
Kia huay log wo zulfo'n ki ghatao'n walay

Ab k basti nazar aati nahi ujri galiya'n
Aao dhoondain kahin darwaish duao'n walay

Hum ne zarro'n se tarashay teri khatir suraj
Ab zamee'n per bhi uter zard khalao'n walay

Kia charagha'n tha muhabbat ka k bujhta hi na tha
Kaisy mosam thy wo pur shor hawao'n walay

Tu kahan tha mery khaliq k mery kaam aata
Mujh pe hansty rahy pathar k khudao'n walay

Hont see kar bhi kahan baat bani hai 'Mohsin'
Khamoshi k sabhi taewar hain sadao'n walay. . !

شہر کی دھوپ سے پوچھیں کبھی گاؤں والے
کیا ہوئے لوگ وہ زلفوں کی گھٹاؤں والے

اب کے بستی نظر آتی نہیں اُجڑی گلیاں
آؤ ڈھونڈیں کہیں درویش دعاؤں والے

سنگزاروں میں مرے ساتھ چلے آئے تھے
کتنے سادہ تھے وہ بلّور سے پاؤں والے

ہم نے ذرّوں سے تراشے تری خاطر سورج
اب زمیں پر بھی اتر زرد خلاؤں والے

کیا چراغاں تھا محبت کا کہ بجھتا ہی نہ تھا
کیسے موسم تھے وہ پُر شور ہواؤں والے

تُو کہاں تھا مرے خالق کہ مرے کام آتا
مجھ پہ ہنستے رہے پتھر کے خداؤں والے

ہونٹ سی کر بھی کہاں بات بنی ہے محسن
خامشی کے سبھی تیور ہیں صداؤں والے