Kabhi to sheher-e-sitam gira'n mein
Koi Muhabbat shanas aaye
Wo jiski aankhon se noor chalkey
labo'n se chahat ki baas aaye
Chaley to khushion k shokh jazbey
humari aankhon mein moajza'n they
magar na Poocho k wapsi kay
Safar se kitny udaas aaye
Hamaray hatho'n mein aik diya tha
Hawa ne wo bhi bujha diya tha
hein kis qadar bad-naseeb hum bhi
humain Ujalay na raas aye
Hamari janib se sheher walo'n mei
Yeh manadi Kara Do 'Mohsin'
Jisey talab ho mata-e-ghum ki
Wo Hum faqeero'n k paas aaye. . !
